alaa aboabdo
عدد المساهمات : 2 نقاط : 4 السٌّمعَة : 0 تاريخ التسجيل : 21/10/2010
| موضوع: كعك العيد من تاني الجمعة أكتوبر 22, 2010 12:07 am | |
| كعك العيد[center] يوم الخميس قبل السحور بشوية قامت خناقة بين نبيهة وجوزها خش التقاها مكشرة وملوية شافت خياله دغري مطت بوزها ميل على الكرسي القديم واتمدد وقال كفى الله الشر ليه زعلانة؟ قالت له ليه ما احزنش حتى واعدد والطم كمان على قسمتي الندمانة؟ كل الحريم في بيوتها متهنية وانا اللي من دون الحريم متعوسة قال فهميني المسالة يا ولية قالت له وحياتك لاموت مفروسة ولع سيجارة وتنه يسفق فيها وحط ايده تحت خده وفكر آخرتها قال مش تعقلي يا نبيهة قومي سخني لي الأكل لاجل اتسحر القصد قامت سخنت له الحلة وحطت الصحنين على الطبلية ضحك وقال اتفضلي باسم الله من إيه يا ستي مكلضمة وملوية قالت له من فضلك تلم لسانك خللي الليلة دي تفوت بخير وسلامة هو انت مش راجل وزى جيرانك خليتني حاطه فوق شفا يفي كمامة إن كان على الكحك اللي راح يحييني لو جه قصادي ادهسه برجليه بس الفضيحة لما واحدة تجيني وتدور تلسن بين حبايبي عليه قال كحك إيه واحنا العيال عريانة والعيش باجيبه والغموس بالعافية ليه نفتخر ونبات بطوننا جعانة دا يبقى تغفيل م الحمار بلا قافية بدال ما افرق ع الضيوف أرزاقي اكسي العيال دي والا افصل جزمة بلاش خراب ما تضيقيش أخلاقي وبلاش أمور الفشخرة ف الأزمة قول كلمة منها وكلمة منه اشتدوا والشر وهوج والخناقة اشتدت وهما لتنين ف الشتيمة احتدوا اتغاظ وقام لطش وايده اتمدت نامت نبيهة مكسرة وعدمانة والعلقة كانت في الحقيقة علقة موت والصبح راحت لامها غضبانة ورت لاخوها الضرب فيها متوت قام خد له شومة وتنه واخد بعضه وراح لجوزها بين صحابه وهانه قام جوزها راخر هفه بوكس وعضه وطسه راس طير له صف سنانه والضرب دار والدم ساح غرقهم واستقتلوا لتنين وباعوا أعمارهم والخلق قامت بدها تفرقهم والعسكري جه ع البوليس جرجرهم فاتت ليالي العيد على الرجالة نايمين على الاسفلت في التخشيبة واجب على الستات تراعي الحالة ولا يخلقوش بالكحك ألف مصيبة [/center][b] | |
|
ماريان عضو مميز
عدد المساهمات : 275 نقاط : 391 السٌّمعَة : 63 تاريخ الميلاد : 28/11/1995 تاريخ التسجيل : 15/10/2010 العمر : 28 الموقع : في قلب كل من يحبني المزاج : كتير فرحانه
| موضوع: رد: كعك العيد من تاني الجمعة أكتوبر 22, 2010 12:26 am | |
| هههههههههههههههههههههههههع مشكور يا أخونا على الموضوع الجميل ده بتمنالك المزيد من التقدم والإبداع مع خالص الشكر .. | |
|
Admin المـديـر العـــام
عدد المساهمات : 799 نقاط : 1508 السٌّمعَة : 53 تاريخ الميلاد : 22/12/1994 تاريخ التسجيل : 11/10/2010 العمر : 29 المزاج : ماشي الحال
| موضوع: رد: كعك العيد من تاني الجمعة أكتوبر 22, 2010 3:27 pm | |
| | |
|