الصديق المثالي

انا بالنسبة الي اهم اشي بصديقي انه ما يكون كذاب
وان يكون محافظ على الصلاة او الدين بشكل عام
ويكون بيفهمني عالطاير
وان يكون مش منافق او خاين
والاهم انه ما تكون حواجز بيننا يعني صراحة تامة مع بعض

وانتو شو اهم صفات اصدقائكو اللي بتخليهم مثاليين تقريبا؟؟

الانسان صعب يلاقي صديق مناسب اله
والاصعب انه يطول مع هاد الصديق
بنظري انه الانسان بالاصل ما لازم يأمن ولا ع صديق واحد
يعني حلو الواحد يتعرف على اكتر من نوعية من الناس ويشعر كل حدا قدامه انه صاحبه

مشكور على الطرح ادمن

أنا بحكي إنها تكون بنت فرفوشه فيها صفات كتير مشتركة بيني وبينها

إنها تنصحني لو كنت على غلط مو تشوف غلطي وتسكت

تكون معاي بالحلوة والمرة

وبدي ياها تكون مصاحبيتني على جوهري مش على شكلي

ما تخبي شي عني

لما أشوفها أرتحلها

أهم شي عندي إنها تكون انسانه متفائلة وإبتسامتها ما بتفارق وجهها

بظن إنو هاي هيي الصديقة المثالية في وجهة نظري

آخر نقطة انت حكيتها هي الصداقة أصلاً ..... لأنو اذا كنت بتنحرج منو ولو في اشي واحد معناتو انتو مش أصدقاء .... راح آخذ من كل واحد نقطة :
بالنسبة للأخ الغير قابل للكسر : بحترم وجهة نظرو بس بالنسبة الي مش معقول أعيش بدون صديق ممكن يكون صديق واحد بس مش ولا صديق .... شكلك ما جربت الصداقة

ماريان : حكيتي نقطة مهمة بالنسبة الي انو دايما مبتسم لما يقابلني ... و لو كان عندي هم هوا بشيلو بطريقة سحرية هاذ هوا الصديق .

و أكيد المعدن الطيب و الدين مهمات .

و يكون فلسطيني Razz

بمزح طبعا عادي أهم اشي الدين

اممم أنا بحكي إنو ممكن تلاقي كل الصفات إلي بدك اياها في واحد بس مشكتو نصراني أو ديانتو غير الإسلام
فهاد ما بعني إنك تحكي هاد مش مسلم وتتركو بالعكس تحاول تدخلو بالإسلام وإذا ما قدرت فبتتركو مع إني متأكده إنو أي حدا منا في المنتدى أو برا قادر على هالشي Smile

اسف الكل لكن مثل هذه المواضيع تحزنني لفقداني من كانت حلم حياتي ورفيقة دربي لكن لاباس فالحياة صفحات تطوى وصفحات تفتح لكن الحب لا يمحو ملامحها من احلامي مازلت اذكر نصائحها ....لا تتلاك اصدقائك من اجلي........لا تكن خجولا فانت رجل ..............لا تبخل كل من سالك...........لا باس ستبقى دوما الى آخر يوم في حياتي تحتل اكبر جزء من الحب الذي حضيت به