ليلة رومانسية .. على الطريقة الاردنية

ليلة رومانسية على الطريقة الأردنية

خلف وشفيقة

خلف: ولك يا قردة شكلك ناسية إنو مثل هاظ اليوم قبل سنتين كان أول مرة بشوف سحنـتك وبنحب بعض، يعدمني جدوقك (خدودك) شو ناسية؟!

شفيقة: والله جد!! ولك تفو عليك شو بحبك ، بعدك متذكر يا مقلعط؟

خلف : هووووه، هو إلي بشوف هالشكل إلي بقطع الرزقة بنساه؟

شفيقة: هاهاهاهاهاهاهاها يلعن ابوك شو حكياتك حلوين وهاظ إلي معلقني فيك، تتذكر أول مرة تلقينا؟؟

خلف: هههههههه هو ـنا بنسى؟ يوم ما حطيتلك رجل وانتي ماشية مع إمك وقلبتي على بوزك؟

شفيقة: ولك الله يقطعك شو رومانسي، كيف هيك تجرأت واتخذت هاي الخطوة الجريئة؟ جد أنا بحب الشب المبادر والقلبو قوي

خلف:
يالله عاد هسه بدك تكبري راسي وتظلك تمدحي فيي؟ انتي كمان بزقتي علي يومها
تتذكري؟ والله ما بنسى بزقتك وهي بتتدلى على وجهي وبتنزل شوي شوي، يومها
عنجد عرفت إنك بتحبيني ..

شفيقة: آه والله يا خلوفتي أنا ما بزقت عليك إلا لأني بحبك.

خلف: يا قلبي انتي

شفيقة:
ههههههههههه ما بنساه، يلعن حرمك، لو كنت بحبك مرة صرت أحبك ألف مرة بعد
هظاك اليوم، يوم ما اقترحت علي انو نتباطح وإلي ببطح الثاني 3 مرات هو اللي
بنام عالأرض والفايز بنام عالتخت .
خلف: يالله يومها شو انبسطت، بس صحيت ثاني يوم مكسرة عظامي من النومة عالارض .

شفيقة: ماهو يا خلف أنا بطحتك 5 مرات .

خلف: لا والله بس بطحتيني عالأرض 4 مرات، آخر وحدة مش محسوبة.

شفيقة: كيف مش محسوبة بطحتك المرة الخامسة لما دعست على رقبتك، ناسي؟

خلف: هووو هووو علينا، خلص مو مشكلة يا ستي بطحتيني خمس مرات، هسه ما تظيعي علينا الاحتفال بهاي الليلة إلي ما بتتعوض .

شفيقة: والله معك حق، خلص شو رأيك أنا اليوم رح أخليها ليلة رومانسية بشكل.

خلف: شو رح تعملي؟

شفيقة: انت ما عليك بس حظّر الشمع واشعله وسكر الظواو وهسه باجي .

وما إن
اشتعل الشمع إلا وخرجت شفيقة من المطبخ حاملة صدر كبيراً من المنسف ،
رغرغت عيون خلف وإنغمرت بالدموع فرحاً، حمد ربه ووعد شفيقة بأن يبقى مخلصاً
لها

فما كان من شفيقة إلا أن طلبت منه بوسة، فلما لف لها خده عضت أذنه فضحك خلف وضحكت شفيقة

وظلوا على الطاولة يأكلون المنسف لآخر الليل، ويقال أنهم إلى الآن بياكلو بالمنسف !

بس كيــف الرومانسيـة اللي ع اصولها
ضحكـات سعيدة

منقــول

هههههههههههههههههههههههههههه الله يخليهم لبعض

» والتر باندياني : لم أتوقع قسوة " برشـلونة " بهذه الطريقة ,, وعلينا الحذر من هؤلاء !!